Um Vert
Vit hava ferðast kring oyggjarnar og við nærlagni valt út frítíðarbústaðir til ein og hvønn tørv.
Um Vert
Vert varð sett á stovn við einum einfaldum endamáli:
At gera tað lætt at finna ein góðan frítíðarbústað í Føroyum.
Leys størv:
Reingerðafólk til fjølbroytt starv í Suðuroy
Trívist tú við einum arbeiðsdegi, har tú kemur runt á ymisk støð og fær fjølbroyttar reingerðaruppgávur? Vit leita eftir ábyrgdarfullum og nærløgdum reingerðarfólki til reingerð av privatum bústøðum, summarhúsum og øðrum ognum í Suðuroy.
Talan er um tímalønt starv áleið hálva tíð, men við møguleika fyri meira. Arbeitt verður í høvuðsheitum í dagtímunum gerandisdagar, tó kann roknast við arbeiði onkur vikuskiftir.
Arbeiðsuppgávur
Eingin dagur er eins, og tú verður partur av einum eldhugaðum toymi, sum raðfestir trivnað og góðar arbeiðsumstøður.
Arbeiðsuppgávurnar eru fjølbroyttar og fevna m.a. um:
• Reingerð av privatum bústøðum og øðrum ognum.
• At tryggja góðsku og eitt høgt støði innan reinførið.
Tú
Tær dámar væl at gera reint, er fyrikomandi og hevur eitt skipað arbeiðslag. Tú skilur týdningin av at fylgja mannagongdum og strembar eftir at veita ta best møguligu tænastuna til gestir og kundar annars.
Krav til umsøkjarar er koyrikort.
Setanarviðurskifti
Starvið er skipað undir Vert. Arbeiðsuppgávurnar verða framdar í samstarvi við Reingerð.fo, sum er partur av Vert.
Høvuðsskrivstovan er á Hjalla 7B í Hoyvík, og tú kemur at arbeiða úti á okkara ognum í Suðuroy.
Løn og setanartreytir eru sambært Gistingarhús- og Matstovusáttmálanum hjá FA, HA, KAK og KAM.
Umsókn og freist
Um starvið hevur tín áhuga, ert tú vælkomin at senda eina umsókn á julianna@vert.fo ella ringja á tlf. 229961.
Samrøður verða hildnar leypandi, og tískil er tað eitt gott hugskot at søkja skjótast gjørligt.
Freistin at søkja er 12. apríl.
Hevur tú spurningar til starvið, ert tú vælkomin at seta teg í samband við Juliannu Tórunnardóttir, stjóra hjá Reingerð.fo, á tlf. 725022.
Um Reingerð.fo
Reingerð.fo bjóðar professionella reingerð til privat, vinnu og aðrar kundar kring Føroyar. Vit leggja dent á góðsku, álítandi tænastu og trivnað hjá starvsfólki og kundum.
Reingerð.fo er partur av Vert.
Um Vert
Vert umsitur yvir 200 summarhús og íbúðir kring Føroyar og tók ímóti áleið 17.000 gestum í 2025.
Vit eru ein leiðandi aktørur á summarhús- og gistingarmarknaðinum í Føroyum, við sterkum vakstrarprofili og spennandi framtíðarætlanum. Vit trúgva uppá opinleika í samstarvi, nýhugsandi loysnir og álítandi tænastu.
Vit hava ferðast kring oyggjarnar og við nærlagni valt út frítíðarbústaðir til ein og hvønn tørv. Sum størsti veitarin av frítíðarbústøðum í Føroyum bjóða vit eina breiða samanseting av húsum, íbúðum og kømurum - frá smáum, hugnaligum húsum á bygd til nýmótans hentleikar í rúmligum íbúðum í høvuðsstaðnum.Dygd og umsorganHvørt heim verður valt út og fyrireikað við nærlagni, so tað er reint, væl skipað og klárt at taka ímóti tær - tí vit vita, hvussu nógv tað merkir, tá tú endiliga tekur tær tíð at steðga á.Okkara toymiVit eru eitt føroyskt toymi, sum kennir oyggjarnar og bústaðirnar, og vit hjálpa tær fegin.
Vit
Okkara leigumál
